同事話:『你以前做甚麼工作?』

糖水伯話:『我是機師！』

間咗一陣，同事話:『甚麼機?遊戲機(紅白?or任天堂?』

 糖水伯好真咁話:『我drive民航機』

同事(用lifter幫何伯量體重)就話:『現在比你坐飛機好唔好?你想去邊?』

糖水伯話:『好!去吉隆坡』

(量完重後,放回何伯到床上)同事話:『好啦!飛機降落啦!』

糖水伯就話:『點解咁快！』

同事就話:『你坐的短途機, 吉隆坡是短途機』

今日寫日程的時候，自己發覺記憶力好似好差，只是３數天前的事都想不起來，腦中都是空白一片，心中有點擔憂！擔憂自己對自己的日子一點記憶都沒有！小時候的記憶無記還有借口－自己太小，但中學、大學和現在有趣的事都忘得七七八八，是太多東西要記，還是自己真是未老先呆？

 (2007/7/30）

今日返Ａ，返完Ｎ後的Ａ真是很累人，不過自己都是食早餐First都算好了！和Mei Fan一起返工和食早餐，佢話佢好少食First！有我你第日可能可以多啲呢！在女人病房返工都ｏｋ，不過要under WM supervision！啲女病人的家人比男病人的家人嚕嚕囌囌啲、長氣啲、煩啲啲！唔知自己可以抵多久，自問真是討厭啲人ｕｍ　ｕｍ　沉沉！

 

  

 

(2007/7/11, 心情: 火大 ; 天氣:酷熱）

今日返A，好忙discharge咗5個Cases，又有1個case的老人院自己自編自導打來話個case今日出院，我哋答咗佢當然唔是啦！個case兒子12點到就怒氣沖沖問我哋重嘜打電話比老人院話比佢聽阿婆出院，嗰時自己重忙到一頭煙，火都起！自己好firm答佢我哋無打過電話去、又無向老人院話阿婆可以出院！又重頭講比佢聽是個老人院自己打來話個case今日出院！佢(case個仔)重聲大大地問點解老人院會打比佢話阿婆出院！(當我是犯咁問)我就加大兩度答佢，這個問題是老人院話，咁你打比佢叫佢比解釋，問我哋都答你唔到啦！跟住我就食住上叫佢比個找到佢的電話來，佢只是比咗個mobile phone，但家嗰個佢話唔方便比！醫院都唔比，個電話都唔知可以比邊個！跟住又問佢何時比到個老人院地址出來，最後個仔即時榭咗！這個世界真是欺善怕惡，而這個故事就是說明放點尊重人、比點尊重自己！

以後都唔在旺角小店買衣服了，自己在一間小店買了2件裙，要400多元，點知在一個衣服連鎖店看到只要150元，被騙了！真是火大！返家洗洗衣服還發現褪色的！以後都唔會在小店買衣服了！ 

最近醫管局又話『大陸護士交流』、又有蘇利文的政治論，看到呢啲新聞，自己都無什麼感覺了！因為對佢都無期望了，上層對前線不停做出過河拆橋的事。(SARS 時話尊敬你、SARS後就什麼錯都是你)

錢不是前線最看重的！現在醫護都變得是無前途的工作了！厭惡的人和事..............都是儲定錢投資、等中六合彩等自己早啲退休....或轉行比較有希望！

 

不過由今日的投訢觀之，同事都互相幫助，雖然無一個支持自己的上司，但自己都慶幸自己有一班好同事！

比起抽手旁觀的人，出手幫助和一起同行可能是深坑的人，後者不是更要更珍惜，擁有後者的人不是要感恩嗎？

朋友你不要唔開心，個個都可能會經歷！自己就嘗過３次之多！重要的都是自己個心是點，只是對得住自己就ＯＫ啦！護士都是人，唔是要比人閙！都會有情緒！

 

唔知我哋會唔有人工加？是唔是好似公務員咁有５％？若果比佢哋低就一定火啦！話都尾減時大家一起減咁多，咁加又點可以唔一樣！共渡時艱就一起，安樂我哋就無份？

自己是以２０００後畢業，若比我早知無咗咁多福利（無ｏｍｉｔ　ｐｏｉｎｔ和１６．５），自己畢業完都唔會在ＨＡ做！現在私家醫院新的姑娘都有２３０００，自己入職成４年才有咁人工，福利和前途都好過ＨＡ，做到真是心都淡！

 

飛鴿傳書

同事話:『你睇你成地下都是餅乾咁污穢』

何伯話:『唔好意思、對唔住！』

間咗一陣，

何伯話:『你可唔可以打電話比我個女』

同事話:『你寫信味得！用飛鴿傳書』

何伯話:『我無白鴿喎』

同事話:『你成地下都是餅乾，實有白鴿飛來，你等下啦！記得捉住一隻』

何伯話:『真的嗎?咁我等吓啦！』

阿金阿銀

自己無啦啦比個阿伯叫阿金，點知啲同事覺得好好笑就對阿伯講佢唔是阿金是阿銀，不過阿伯都唔理，照常叫我阿金，不過見到yy就話佢是我個妹.....叫阿銀！

阿伯叫阿金.........我啲同事就會笑住對我講.......阿伯叫你呀！激死！

今日阿伯又叫我........對住yy話『底我一世做姑娘』.....yy話：『你知唔知佢味必想一世做姑娘』，阿伯以為自己講錯嘢，就解釋『佢好好人，好似德蘭修女咁，不停咁積德』..........阿伯....其實我哋的意思是：『護士金句：前世做錯事，今世做護士』，咁我今世做咗咁多德，下世唔知會做咩?

 

今日換咗早上一轉片又頸痛，十一點想寫返完份IOD Form就好，點知WM捉住(佢張啲form放囇响自己間房)。佢又點咗我一次，我寫.....While the CSA and I were transferring the patient......，點知佢要我改為 While the I and CSA were transferring the patient ....，佢重要好聰明和好有自信對我話：英文好自我，當然是用I先。我知佢錯...但佢又咁自信...最重要是佢高級過我...，我停咗十秒鐘，最後都改咗個S tatement，因為孔子說：小人與女人難養也！

昨日在工作的地方扭傷咗頸，自己想痛痛地但吃藥好咗就算！但吃完藥過咗成個鐘都唔好，一班同事都認為報IOD保障自己多啲，所以返完工都去咗睇醫生， 睇完醫生都要3個鐘，自己都早早打電話返工報IOD。回家累到不得了，倒頭便睡。

 

約六點多，WM打電話問我是否要報IOD，醫生都睇咗，為了保障自己，當然話報啦！

 

佢叫我講個流程比佢聽，咁味一五一十話佢知！點知佢話：『點解得你傷咗而阿珊無傷？』我真是唔識答，又想問佢是唔是得一人受傷就唔可以IOD? 

點知佢又問我點解PATIENT跌我唔放手，我真是比佢嚇到眼都凸，我話PATIENT會跌死？點放手啊！佢就話我話個PATIENT行得吓！咁個PATIENT行得吓，佢就跌都無理由放手啊？這個問題我又唔識答！

最後佢屈我無同個PATIENT清楚解釋TRANSFTER個程序，自問都巳經INFORM咗PATIENT啦！個PATIENT都唔是第一次做運動。佢都話要詳細地解釋成個程序，隻手放邊點行都要由頭解釋一次。咁解釋啲時間味重用多過用LIFTER......。佢屈我無同PATIENT解釋，又幫個PATIENT突破捉BEDSIDE RAIL做合理解釋，話個PATIENT因為無安全感，所以捉嘢抓住個BEDSIDE RAIL。真是聽到火都來！兩個人TRANSFER都無安全感?

 

咁邊個比個合理解釋比我，我受傷點解要比人好似CRIMINAL PERSON 咁審，又要聽啲說話比人加多刀、踏多一腳！天啊.......................！

 

 

 

 

(2007/1/12, 心情: 忙碌 ; 天氣:晴）

今日返A真是好忙碌，是一個突别的日子，因為有yy、han、和carina一起返工，大家一路做一路吹水，都開心呀！

雖然今日是星期六，昨天卻收了很多新CASE，所以叫咗Dr chan看一看，12點多還要來一次大龍鳯(CPR)，個CASE是15分的人，和醫生看住個case arrest，但都救唔返，個CASE最後還要解剖。CPR張Form還是我哋啲名。

 

今日返工啲家人都好煩，但同46病人啲家人講D/C，就有啲火啦！佢哋成日話我哋啲姑娘只是同佢講D/C，咁我哋做姑娘當然病人有病同佢講病況，無病就是同佢哋講D/C啦！唔通佢佢哋講風花雪月咩！佢哋真是以為我哋好得閒。但就令朋友有啲唔開心，其實我都無嘢，火都是火家人啲態度(好似吵架咁)，講真佢同一個姑娘講完，我第二個姑娘問吓都唔過份啦！要我哋姑娘負責，但問返轉頭佢哋又我無個負責人比返我哋。另外，又有個精神病人家人又傻，放咗隻手比病人玩屎，佢話佢唔會看住病人隻手，因為佢無收人工。咁我哋只可以講一句，我哋這行都是慘啦！

 

今日返A都無什麼事，到Tea-break的時候，WM拿了VL的表比我哋填，點知一看就嚇壞了！因為我哋嗰WARD的大家姐(Aunt chris)要出嫁了，真是1比1000的黑馬跑出。到放工的時候，又一驚人消息，就是mei fan比york姐近早出嫁！唉！我啲同事都真是喜歡唔聲唔聲，比我一驚！(繼peggy之後，她們都喜歡秘密準備而極短時間通知)。唔知自己何時才會嫁得出？有點羨慕佢哋！

 

 

 

liver encephalopathy

 ｓ／ｓ：↓GCS to 5-3/15, lose of tone of limbs, eyes blinkling, with history of liver disease, serum glucose and vital signs stable

Ｒｘ：Neomycin 1g tds, lactulose, dulcolax & fleet enema, blood serum of ammonia

今日我哋個WM都唔知是唔是食錯藥，突然間好神勇、好轉數去閙MSW，WM話佢要知Case可以上來看牌板！MSW佢唔做嘢是我哋都知啦！但估唔到SMO都寸佢！（MSW話自己唔知個Case是ＭＩＰ，點知就比SMO寸佢跟唔足個Case，其實佢唔做嘢就唔好打開個肚皮比人知啦！）講真！MSW都唔好以自己是偒殘人士，就好似有免死金牌咁唔做嘢先得啊！話人因為佢是傷殘唔尊重佢！咁你做工都要比啲表現出來，唔好要人幫自己做囇啲嘢，我哋都 唔要求excellent ，但都唔好below standard咁多啦！（有做同無做一樣，)佢做什麼？咪比表我哋，仲要through中央，(咁張份表放在ward，然後我哋send to social welfare就得啦！）

個case啲家人都好無賴！話我哋無通知佢（佢父親是ＭＩＰ和解釋Condition），send信又話收唔到，叫佢比主責人的地址就推三推四，打電話又話現在做事唔得閒，咁你想點！想話比人知自己孝順？都要有人信先得啦！又唔探父親，知佢食到嘢又唔買嘢比佢食。出院啲嘢都唔好講啦！真是估唔到做兒子可以咁不孝！將父親在醫院留佢自生自滅！或者真是種花得花，種豆得豆吧！（父親點對兒子，兒子以彼之道還之彼身吧！）

 

ｎｉｇｈｔ原來同主診醫生ｋｗａｎ一起，個心突然安樂曬！自己的醫師都是易話為啲！佢都唔得閒！因為那晚有ｃａｓｅ死了（同ａｎｇｅｌ！唉！我個邊就安寧啲！好在有師妹陪吓我！）師妹都慘啊！都無人工啦，但都比ｓｉｓｔｅｒ叫咗量完一早７點ＢＰ才可以走。